Chalandamarz 2026

Di da famiglia 2026 – Chalandamarz a Cuira ed a Turitg

Il mars 2026 vegnan uffants ad ir tras las vias da Turitg – e per l'emprima giada era da Cuira – stgatschond l'enviern cun stgellas, giaischlas e chant. Nus ans legrain da tut ils uffants ch'èn da la partida.

Chalandamarz a Cuira

1-3-2026 a las 14.30
Lieu da scuntrada: plazza Arcas
Durant il Sirup rumantsch dals 3-2-2026 (9.30 – 11.00) han ils uffants la pussaivladad da crear flurs e «rösas» da palpiri per decorar las stgellas e plumpas.

Chalandamarz a Turitg

4-3-2026 a las 14.30
Lieu da scuntrada: plazza da scola Hirschengraben
Til cun sustegn musical dad Ursina Giger
Ils 25-2-2026 (14.30 – 16.15) han ils uffants la pussaivladad da crear «rösas» cun Sara Bigna Janett en la scola Hirschengraben (stanza 307). Per plaschair s’annunziar via e-mail fin ils 18 da favrer 2026 tar luisa.cadonau@rumantsch.ch.

Infos ed annunzia

Infurmaziuns davart la ruta e davart il program final vegnan tramessas pli tard per e-mail.

Infurmaziuns davart la ruta e davart il program final vegnan tramessas separà per e-mail. Sche Vus avais anc dumondas, pudais Vus gugent scriver in e-mail a luisa.cadonau@rumantsch.ch.

Prendai sche pussaivel cun Vus Vossas chamischas, chapitschas cotschnas e stgellas. Nus na pudain betg garantir che nus avain il material a disposiziun.

E per finir: nagin Chalandamarz senza «rösas»! Qua chattais Vus in'instrucziun per crear las «rösas» ed era las notas da la chanzun «Chalandamarz, chaland'avrigl».

Nus ans legrain sin il Chalandamarz cun Vus.