paragraf - Elecziun substitutiva dal presidi
Elecziun substitutiva dal presidi da la Lia Rumantscha
En consequenza da sia elecziun sco nova directura da l'Uffizi federal da communicaziun (UFCOM) è Gianna Luzio sa retratga l'october 2025 dal copresidi da la Lia Rumantscha (LR). Ad interim è la copresidenta Urezza Famos damai suletta en uffizi. L'elecziun substitutiva dal presidi vegn ad avair lieu ils 20 da zercladur 2026 a la radunanza da delegadas e delegads da la LR.
La cumissiun da tscherna supplitgescha persunas che han interess da candidar per il presidi u per in copresidi da s'annunziar tar la cumissiun da tscherna (contact sutvart) enfin ils 31 da mars 2026. Uschia po quella preparar l'elecziun per mauns da la radunanza da delegadas e delegads da la LR a Samedan.
A la cumissiun da tscherna prendan part da la suprastanza da la Lia Rumantscha Gianna Duschletta, Lars Prevost e Toni Vinzens. A dumondas en connex cun la tscherna dal presidi respunda gugent:
Toni Vinzens, president da la cumissiun
079 129 31 29 / vinzens.toni@bluewin.ch