paragraf - Vernissascha «Ina pitschna miracla da Nadal»
Vernissascha dal cudesch «Ina pitschna miracla da Nadal»
Gievgia, ils 27 da november 2025 a las 17.00 raquintan Nadja e Michel Estermann la nova istorgia da Nadal cun pleds e musica en la libraria Lüthy a Cuira (Via da la Staziun 8, 7000 Cuira). L'entrada è gratuita ed i dat ina pitschna marenda.
Punctualmain per il temp d'advent cumpara in nov cudesch illustrà per uffants: «Ina pitschna miracla da Nadal». L'istorgia, che tematisescha plain empatia e cun bler umor la schigliusia e l'amur tranter fragliuns, sa basa sin l'original englais «The Empty Stocking» dal renumà autur Richard Curtis e cuntegna bellezza maletgs en colur da l'illustratura Rebecca Cobb.
In cudesch per l'entira famiglia
Igl è curt avant Nadal e las schumellinas Sam e Charlie èn vaira agitadas. Sco adina è Sam stada ina fitg brava quest onn – e Charlie? Ma bain, per dir la vardad: Charlie è stada vaira sfarfatga. Betg propi nauscha, ma ina VERITABLA LUMPAZZA. Tgi sa, sch’ella survegn almain in sulet regal? Mintgatant (fitg darar) sto Santa esser dir. Ed inqual giadas (vairamain mo mintga quattertempras) fa schizunt el in sbagl ...
Il cudesch lià «Ina pitschna miracla da Nadal» datti en tut ils idioms ed en rumantsch grischun. El po vegnir retratg en la butia online da la Lia Rumantscha, via telefon 081 258 32 22 u en las librarias.