paragraf - Cordialas gratulaziuns
Plima d’aur/Pledpierla – quai èn las victuras ed ils victurs
Las victuras ed ils victurs da la concurrenza da scriver Plima d’aur/Pledpierla èn tscherni:das. Indesch scolaras e scolars da l’Engiadina, dal Grischun Central e da la Surselva han cuntanschì l’emprim plaz en lur categoria. Questa concurrenza, organisada mintga dus onns da la Lia Rumantscha, promova il plaschair da scriver a moda creativa e per rumantsch.
Cun 602 texts inoltrads hai dà in nov record da participaziun ch'è d'attribuir surtut al grond engaschi da las magistras e dals magisters dals uffants e giuvenils participants. Las scolaras ed ils scolars da la terza fin la 6avla classa han scrit davart il tema «la clav magica». Il tema per giuvenils e giuvens creschids è stà «mes planet fantastic».
Las victuras ed ils victurs en in’egliada
Engiadina/Val Müstair
3./4. classa: Liza Anna Andersag da Scuol cun il text «Üna clav chi maina amis»
5avla/6avla classa: Clelia Cadonau da S-chanf cun il text «La clev magica»
7avla-9avla classa: Mirta Bott da S-chanf cun il text «Mieu planet fantastic – ödi ed amur»
17-25 onns: Dajana Ristic da Scuol cun il text «Mia via vers l’armonia»
Grischun Central
3./4. classa: Bia Dos Santos da Casti cun il text «Luna la pirata ed igls sies cumarats»
5avla/6avla classa: Chiara Lia Nold dad Andeer cun il text «Igl cor digl gòld»
7avla-9avla classa: Anina Laura Steiner da Savognin cun il text «Cura che jau sun grond»
Surselva
3./4. classa: Freya Tschuor da Sagogn cun il text «il dischuorden grondius»
5avla/6avla classa: Robin Casutt da Schluein cun il text «Grazia tat!»
7avla-9avla classa: Sophia Flütsch da Duin cun il text «In’egliada sur miu mund fantastic»
17-25 onns: Anja-Timea Arpagaus da Sagogn cun il text «L’umbriva dil sulegl»
Surdada dals premis
Suenter la premiaziun online, che ha gì lieu ils 4-6-2025 a las 10.15, datti en mintga regiun ina festina per surdar ils premis a las victuras ed als victurs. Durant questas occurrenzas en las regiuns prelegia la giuria las laudatios. Las victuras ed ils victurs survegnan in premi en furma da daners ed in regal da la Lia Rumantscha.